Dard mein dard ka ehsaas kahan hota hay
Dard hota hay magar jaane kahan hota hay
Aap kyun poochte hain dard ki haalat mujh se
Ek jagah ho to bata doon ke yahan hota hay
Aap aaein to sakoon, aap na aaein to sakoon
Dard mein, dard ka ehsaas kahan hota hay
Aap barham hi sahi baat to keeje ham se
Kuch na kehne se muhabbat ka guman hota hay
Waqt ki baat hay yaa un ki inaayat hay Samar
Main yahan hoon aur mera zik'r wahan hota hay
No comments:
Post a Comment