December Jab Bhi Aata Hai...!!

December Jab Bhi Aata Hai...

Wo Pagli Phir Se Beetay Musmon Ko
Yaad Kerti Hai
Puranay cards Parhti Hai
K Jis Mein Uss Ne Likha Tha

"Main Lauton Ga December Mein"

Naye Kapray Banati Hai,
Woh Sara Ghar Sajati Hai,

December Ke Har Ik Din ko,
Woh Gin Gin Ke Bitati Hai,

JUNHI 15 GUZARTI HAI...!

Woh kuch Kuch Toot Jati Hai
Mager Phir Bhi...
Purani Albums Ko Khol Kar
Mazi Ko Bulati Hai

Nahi Maloom Ye Uss ko
K Beetay Waqt Ki Khushiyan
Bht Takleef Daiti hain. .
Mehez Dil Ko Jalati Hain..

Younhi Din Beet Jaatay Hain
December Laut jata Hai. . .

Mager Woh Khush Fehm Larki
Dobara Se Calendar Mein
December Ke Safhay Ko Mord Kar 
Phir Se

December Ke Seher Mein Doob Jati Hai
K Aakhir Uss Ny Likha Tha

"MAIN LAUTON GA DECEMBER MEIN"